Redighat Valpoi Accident: रेडीघाट-सत्तरीत भीषण अपघात; 1 ठार तर 3 गंभीर जखमी

रेडेघाट - वाळपई व बोर्डा - फातोर्डा येथे घडलेल्या तीन दुचाकी अपघातांत दोघेजण जागीच ठार झाले, तर तिघेजण गंभीर जखमी झाले.

रेडेघाट येथे आज संध्याकाळी दोन दुचाकींची समोरासमोर धडक बसून साखळी येथील शॉन सायमन लोबो (वय १९) हा जागीच ठार झाला, तर तिघेजण गंभीर जखमी झाले. मारुती हरिजन (वय ५३, म्हापसा) आणि राधिका राजेंद्र हळर्णकर (वय ५६, मोरजी - तेंबवाडा) हे दुचाकीवरून वाळपई पोलिस प्रशिक्षण केंद्रातून आपली ड्युटी संपवून वाळपईहून म्हापशाला जात होते, तर शॉन लोबो (साखळी) व प्रक्षमा कर्पे (वय २० वाळपई) हे साखळीहून दुचाकीने वाळपईला जात असताना रेडेघाट येथे दोन्ही दुचाकींची समोरासमोर जोरदार धडक बसून हा अपघात झाला.

दरम्‍यान, बोर्डा-फातोर्डा येथे झालेल्या दुसऱ्या अपघातात दुचाकीची धडक बसून पादचारी ठार झाला. उल्हास ऊर्फ जीवन वाडकर (वय ५५) असे त्यांचे नाव आहे.