पणजी: करंझाळे येथे रामा काणकोणकर यांच्यावर झालेल्या प्राणघातक हल्ल्याप्रकरणी पणजी पोलिसांनी अल्पावधीत मोठी कामगिरी करत सात संशयितांना बेड्या ठोकल्या आहेत.
गुरुवारी रात्री पाच संशयितांना अटक केली होती, तर आज शुक्रवारी आणखी दोघांना अटक करण्यात आली आहे. सांताक्रुझ येथून फ्रान्को डिकोस्टा (२८, सांताक्रुझ) आणि म्हापसा बाजार परिसरातून अट्टल गुन्हेगार साईराज गोवेकर (२८, पिळर्ण) याला पणजी पोलिसांनी आज अटक केली. या प्रकरणात पोलिसांनी एकूण सहा अट्टल गुन्हेगार आणि एका गुन्हेगाराला अटक केली आहे. अद्याप हल्ला प्रकरणाचा हेतू स्पष्ट झाला नसल्याचे पोलिस अधीक्षक राहुल गुप्ता यांनी सांगितले.
अटक केलेल्या संशयितांना पणजीच्या न्यायिक दंडाधिकारी प्रथमवर्ग न्यायालयाने पाच दिवस पोलिस कोठडीची शिक्षा सुनावली आहे.
गुन्हा नोंद झाल्यानंतर उपअधीक्षक यांच्या नेतृत्वाखाली आठ पथकांत ३१ कर्मचारी तैनात करून केवळ तीन तासांत सीसीटीव्ही फुटेज व पूर्वीच्या गुन्हेगारी नोंदींच्या आधारे सर्व संशयितांची ओळख पटली. त्यानंतर शोध मोहीम हाती घेऊन पोलिसांनी काल पाच व आज दोन अशा सातजणांना ताब्यात घेतले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.