Rama Kankonkar: रामा काणकोणकर हल्लो; जेनिटोच्या जामिन अर्जास रामाची हरकत

पणजी: मेरशी येथील जिल्हा व सत्र न्यायालयात सोमवारी जेनिटो कार्दोज याच्या जामीन अर्जावर सुनावणी झाली. यावेळी रामा काणकोणकर यांच्‍या हस्तक्षेप अर्जाला मान्यता देऊन त्‍यांना जामीनअर्जाची प्रत देण्याचे निर्देश न्यायालयाने दिले. पुढील सुनावणी १५ ऑक्टोबर रोजी होणार आहे.या प्रकरणात पीडित रामा काणकोणकर यांच्याकडून हस्तक्षेप अर्ज दाखल केला आहे. न्यायालयाने काणकोणकर यांना नोटीस जारी करून सरकारी वकील निवडायचा की स्वतः वकील देणार, असे विचारले होते. मात्र याचे अधिकृत उत्तर अजूनही काणकोणकर यांच्याकडून न्यायालयाला देण्यात आले नाही. सुनावणीदरम्यान तपास अधिकारी स्वतः न्यायालयात उपस्थित होते. सर्व बाजूंची मते ऐकल्यानंतर न्यायालयाने पुढील सुनावणी १५ ऑक्टोबर रोजी घेण्यात येईल असे निर्देश दिले.