Quepem Municipal Council: केपे नगराध्यक्षपदी दीपाली नाईक बिनविरोध

केपेचा नवीन नगराध्यक्ष निवड करण्यासाठी आज अर्ज भरण्याच्या शेवटच्या दिवशी दीपाली नाईक यांचा एकमेव अर्ज आल्याने नाईक यांची बिनविरोध निवड झाली आहे. आज दि. ४ रोजी नागराध्यक्ष निवडीसाठी खास बैठक बोलावण्यात आली होती या बैठकीत अधिकृतरित्‍या ही घोषणा केली.

माजी नगराध्‍यक्ष सुचिता शिरवईकर यांनी पदाचा राजीनामा दिल्याने हे पद रिक्त झाले होते. केपेचे नगराध्यक्षपद महिलांसाठी राखीव आहे.