पुसपती अशोक गजपती राजू यांनी गोव्याचे राज्यपाल म्हणून घेतली शपथ; Watch Video

Ashok Gajapathi Raju: गोव्याच्या राजकारणात महत्त्वपूर्ण बदल झाला असून, आंध्र प्रदेशातील ज्येष्ठ नेते आणि माजी केंद्रीय मंत्री पुसपती अशोक गजपती राजू यांनी शनिवार, २६ जुलै रोजी राजभवनात गोव्याचे नवे राज्यपाल म्हणून शपथ घेतली. राष्ट्रपती द्रौपदी मुर्मू यांनी १४ जुलै २०२५ रोजी केलेल्या देशभरातील राज्यपाल पदांच्या मोठ्या फेरबदलाचाच हा एक भाग आहे. मुख्यमंत्री डॉ. प्रमोद सावंत यांनी नव्या राज्यपालांचे स्वागत करत, ते राज्याच्या कारभारात आणि प्रशासनात आपले मार्गदर्शन करतील अशी आशा व्यक्त केली. यावर नवे राज्यपाल पी. अशोक गजपती राजू यांनी "गोव्यात येऊन मला आनंद झाला आहे, मला स्थानिक भाषा येत नाही, पण सर्वांसोबत काम करण्यास उत्सुक आहे," असे म्हटले.