Margao: मडगाव महापालिकेची भरती लोकसेवा आयोगामार्फत करण्याची प्रभव नाईक यांची मागणी

MMC Recruitment

सासष्टी: मडगावचे युवा नेते प्रभव नायक यांनी मुख्यमंत्री डॉ. प्रमोद सावंत यांना पत्र लिहून मडगाव नगरपालिकेतील कर्मचारी भरती रद्द करून ती आयोगामार्फत करण्याची मागणी केली आहे.

मडगाव नगरपालिकेतील ज्यांच्या कुटुंबातील सदस्यांना एलडीसी नोकरी मिळण्याची शक्यता आहे त्या नगरसेवकांच्या नावांसह एक लिफाफा प्रसार माध्यमांसमोर त्यांनी आज बंद केला. मडगाव नगरपालिकेने उमेदवारी यादी जाहीर केल्यानंतर ते हा लिफाफा उघडून वशिलेबाजी सिद्ध करणार आहेत.

कंत्राटी पद्धतीने काम करणाऱ्या कर्मचाऱ्यांची भरती प्रक्रिया, पदोन्नती आणि नियमितीकरणाची चौकशी करण्याची मागणीही त्यांनी केली.