Ponda Fire News: फोंड्यात आगीचे थैमान, कुडतरकरनगरमधील फ्लॅटला आग लागून मोठे नुकसान; 10 लाखांचे साहित्य खाक

फोंडा: कुरतरकर नगरी - शांतीनगर फोंडा येथे एका इमारतीच्या पाचव्या मजल्यावरील फ्लॅटला रात्री साडेतीनच्या सुमारास अचानक आग लागल्याने फ्लॅटमधील साहित्य जळून खाक झाले. या आगीत दहा लाख रुपयांपेक्षा जास्त किमतीच्या वस्तू जळाल्या.

बेडरूममधील एसीला प्रथम आग लागली आणि त्यानंतर ती फ्लॅटभर पसरली. मात्र वेळीच रात्रीच्या वेळेला आपल्या बाल्कनीत आलेल्या समोरील फ्लॅटमधील रहिवाशाला धूर आणि आग दिसल्याने त्याने त्वरित अग्निशामक दलाला कळवले त्यामुळे इतर फ्लॅटधारकाचे नुकसान झाले नाही.