Pernem Accident: पेडणे-न्हंयबाग जंक्शन ठरले मृत्यूचा सापळा; वारंवार होणाऱ्या अपघातांमुळे नागरिक चिंतेत

पेडणे येथील न्हंयबाग चौकामध्ये वारंवार होणारे अपघात हे आता एक गंभीर समस्या बनली आहे. मुंबई-गोवा राष्ट्रीय महामार्गावरील हे ठिकाण अपघातांचे हॉटस्पॉट बनले असून, स्थानिक नागरिक आणि वाहतूक पोलीस दोघांसाठीही चिंतेचा विषय बनला आहे. रस्ते सुरक्षा आणि योग्य पायाभूत सुविधांच्या अभावामुळे येथे नियमितपणे लहान-मोठे अपघात घडत आहेत. अशातच एका ट्रक अपघाताची घटना समोर आली आहे. या अपघातामुळे महामार्गावर काही काळ वाहतूक कोंडी झाली.