North Goa FDA Raid: उत्तर गोव्यात एफडीएची कारवाई; नोंदणी नसलेल्या आस्थापनांना दंड

नागरिकांच्या आरोग्याला प्राधान्य देत, उत्तर गोवा अन्न व औषध प्रशासनाने (FDA) खाद्यान्न व्यवसाय करणाऱ्या आस्थापनांवर मोठी मोहीम हाती घेतली आहे. या कारवाईदरम्यान, अन्न व सुरक्षा नियमांचे उल्लंघन करणाऱ्या आणि नोंदणी नसलेल्या अनेक युनिट्सवर कठोर कारवाई करण्यात आली आहे, ज्यामुळे अशा व्यावसायिकांमध्ये खळबळ उडाली आहे. एफडीएच्या अधिकाऱ्यांनी उत्तर गोव्यातील सुकुर आणि करासवडा येथील सात युनिट्सची पुन्हा तपासणी केली. या तपासणीत मोठ्या प्रमाणात अस्वच्छता आढळल्याने अनेक युनिट्स तात्काळ सील करण्यात आले आहेत. यापूर्वी निर्देश दिल्यानंतरही ज्या युनिट्सनी त्यांच्या कामकाजात सुधारणा केल्या नाहीत, त्यांच्यावर ही कारवाई करण्यात आली आहे.