Mormugao Accident: मुरगाव अपघातात एकाचा मृत्यू

वास्को: मुरगाव येथील रुमडावाडा येथे शनिवारी (ता. २९) झालेल्या एका रस्ते अपघातात एका ५५ वर्षीय व्यक्तीचा मृत्यू झाला. पोलिसांनी सांगितले की, ह्युंडई आय१० चालवणाऱ्या २० वर्षीय तरुणाने उभ्या असलेल्या अॅक्टिव्हा स्कूटरला धडक दिल्याने ही घटना घडली.

पोलिसांनी दिलेल्या माहितीनुसार, शनिवारी सायंकाळी हा अपघात घडला. ह्युंडाई आय १० स्पोर्ट्स कारचालक भरधाव वेगाने कार चालवत सडा येथून वास्कोच्या दिशेने जात होता. रुमडावाडा-मुरगाव येथे वाहन 'वॉशिंग सेंटर' जवळ पोहोचला असता, भरधाव कारने रस्त्याच्या बाजूला थांबलेल्या अॅक्टिव्हा स्कूटरला जोरदार धडक दिली.

यात मल्लिनाथ गौडर (५५, एमपीटी कॉलनी, हेडलँड सडा ) गंभीर जखमी झाले. अपघातानंतर त्यांना चिखली येथील एसडीएच हॉस्पिटलमध्ये नेण्यात येत असताना वाटेतच त्यांचे निधन झाले. यासंदर्भात मुरगाव पोलिसांनी कारचालक श्रीकृष्ण बांदेकर याच्याविरुद्ध गुन्हा नोंदवला आहे.