Mopa Airport Parking Rate: मोपा विमानतळाच्या पार्किंग दरात कपात; टॅक्सी चालकांचे आंदोलन यशस्‍वी

Mopa Airport Parking Rate Issue:

‘जीएमआर’ कंपनीने कालपासून टॅक्सी पार्किंगसाठी ८० ऐवजी २०० रुपयांची केलेली दरवाढ तीव्र विरोधामुळे मागे घेतली. विमानतळाच्या गेटवर टॅक्‍सीचालकांनी जोरदार घोषणा देण्यास सुरूवात केली. त्‍यानंतर कंपनीने पूर्वीचाच दर ठेवण्याचे मान्य केले. आमदार प्रवीण आर्लेकर यांनी या प्रकरणी मध्‍यस्‍थी केली. तसेच टॅक्सीचालकांच्‍या इतर मागण्या मुख्यमंत्र्यांकडे मांडून त्‍या सोडविण्याचा प्रयत्न करेनअसे सांगितले. सर्व टॅक्सीचालक आज आमदार प्रवीण आर्लेकर यांच्या निवासस्थानी गेले व त्‍यांनी कंपनीशी चर्चा करून वाढीव शुल्‍क मागे घेण्‍याची विनंती केली. संतप्‍त टॅक्सीचालक आंदोलन करण्याच्या पवित्र्यात होते. त्‍यामुळे मोपा विमानतळ परिसरात पोलिसांची मोठी कुमक तैनात केली होती.