MLA Premendra Shet: वेस्ट मॅनेजमेंट प्रकल्पावरुन कुडचिरेत तणाव; काय म्हणाले आमदार प्रेमेंद्र शेट?

मये मतदारसंघातील कुडचिरे गावात सध्या कचरा व्यवस्थापन प्रकल्पावरुन तणाव निर्माण झालाय. प्रकल्पाच्या विरोधात संतप्त कुडचिरेतील लोकांनी गुरुवारी, (29 ऑगस्ट) रस्त्यावर उतरुन नियोजित प्रकल्पासाठी हाती घेतलेले भू-सर्व्हेक्षणाचे काम रोखण्याचा प्रयत्न केला. मात्र पोलिसांनी लोकांचा हा प्रयत्न हाणून पाडला. यावेळी पोलिस आणि लोकांमध्ये झटापटही झाली. याच पार्श्वभूमीवर मयेचे आमदार प्रेमेंद्र शेट यांनी कुडचिरे येथील नियोजित प्रकल्पस्थळाला भेट दिली. यावेळी त्यांनी कुडचिरोवासियांची समजूत काढण्याचा प्रयत्न केला. मात्र संतप्त लोक काहीच ऐकण्याच्या मन:स्थितीत नव्हते. त्यांनी थेट आमदार प्रेमेंद्र शेट यांचा विरोध केला. आमच्या गावात हा प्रकल्प नकोच. हाच नारा लोकांनी लावून धरला.