Michael Lobo: आसगावातील घर मोडतोड प्रकरण विधानसभेत मांडणार - मायकल

राज्यात मागील काही दिवसांपासून आसगाव घर मोडतोड प्रकरण चांगलंच गाजत आहे. या प्रकरणावरुन आसगाव ग्रामपंचायतीच्या ग्रामसभेतही मोठा गदारोळ पाहायला मिळाला. काही दिवसांपूर्वीच क्राइम ब्रॅंचच्या एसआयटीने पूजा शर्मा यांना आज म्हणजेच 1 जुलै रोजी राहण्यास सांगितले होते, परंतु काही कारणांमुळे आपल्याला हजर राहता येणार नसल्याचे पूजा शर्मा यांच्याकडून सांगण्यात आले. तर दुसरीकडे, पावसाळी अधिवेशनात आसगाव घर मोडतोड प्रकरणाचा मुद्दा मांडणार असल्याचे कळंगुटचे आमदार मायकल लोबो यांच्याकडून सांगण्यात आले. या प्रकरणावर आम्ही अधिवेशनात सविस्तर चर्चेची मागणी करु असेही लोबो म्हणाले.