Mhadei Water Dispute: म्हादईच्याबाबतीत सरकारकडून जनतेची फसवणूक - सरदेसाई

गेल्या काही वर्षापासून गोवा आणि कर्नाटक सरकारमध्ये म्हादईच्या पाण्याबाबत वाद सुरू आहे. नदीवर बांधल्या जाणाऱ्या कळसा भांडुरा प्रकल्पाच्या पर्यावरण मंजुरीसाठी कर्नाटकचे मुख्यमंत्री सिद्धरामय्या यांनी पंतप्रधानांची भेट घेतली. यावरुन फातोर्डा आमदार विजय सरदेसाई यांनी गोवा भाजप सरकारवर टीका केली.

'गोव्याचे भाजप सरकार अजूनही खोटे बोलून निर्लज्जपणे गोमंतकीयांची फसवणूक करत आहे. म्हादईचा प्रश्न योग्य पद्धतीने पुढे घेऊन जाण्यासाठी कर्नाटक सरकार सर्वोच्च स्तरावर प्रयत्न करत आहे. दुसरीकडे मुख्यमंत्री प्रमोद सावंत यांना पंतप्रधान नरेंद्र मोदींसमोर गोव्याची बाजू मांडण्यासाठी सर्वपक्षीय शिष्टमंडळ देखील उभे करता आले नाही,' असा आरोप सरदेसाईंनी केला.