Mapusa Drugs Seized: गोवा पोलिसांची कारवाई! धुळेर-म्हापशात 30 किलो गांजासह दोघांना अटक

राज्यात गेल्या काही दिवसांपासून गोवा पोलिसांच्या धडक कारवायाचं सत्र सुरुच आहे. याचदरम्यान, अमली पदार्थ विरोधी मोहिमेत गुन्हे शाखेने एक मोठे यश मिळवले. गुन्हे शाखेने पोलीस निरीक्षक विकास देयकर यांच्या नेतृत्वाखालील पथकाने म्हापसा येथील धुळेर पेट्रोल पंपाजवळ दोन महाराष्ट्रातील संशयित आरोपींना अटक केली. या कारवाईत त्यांच्याकडून तब्बल 30 किलो गांजा जप्त करण्यात आला, ज्याची किंमत अंदाजे 30 लाख रुपये एवढी आहे.