Nilkanth vs Bakshi: अभिनेता गौरव बक्षी यांना जामीन मंजूर

Gaurav Bakshi Bail:

पशुसंवर्धनमंत्री नीळकंठ हळर्णकर यांच्यासह त्यांच्या कारचालकाशी गाडी बाजूला घेण्याच्या कारणावरून हुज्जत घातल्याप्रकरणी अटकेत असलेला संशयित अभिनेता गौरव बक्षी याला म्हापसा न्यायालयाने सशर्त जामीन मंजूर केला. १५ हजार रुपयांच्या वैयक्तिक जातमुचलक्यावर त्याची सुटका केली. जामीन मंजूर करतेवेळी न्यायालयाने अटी घातल्या. त्यानुसार त्याला कोलवाळ पोलिस स्थानकात सलग आठ दिवस हजेरी लावणे, रेवोडा गावात न जाणे किंवा भविष्यात अशा गुन्ह्याची पुनरावृत्ती करू नये याअटींचे पालन करावे लागेल.