मांद्रे समुद्रकिनाऱ्यावर बेकायदेशीर शेक् रेस्टॉरंट; पर्यटन खात्याच्या भूमिकेवर प्रश्नचिन्ह

मांद्रे समुद्रकिनाऱ्याच्या खाजगी जमिनीमध्ये बेकायदेशीरपणे 'शेक् रेस्टॉरंट' सुरू असल्याबद्दल स्थानिकांनी चिंता व्यक्त केली आहे. पर्यटन खात्याने या व्यवसायांना परवानगी दिली आहे का, असा प्रश्नही विचारला जात आहे. या ठिकाणी किनाऱ्यावर लाकडी पलंग आणि टेबल्स टाकून अतिक्रमण केले जात आहे, तर दुसरीकडे किनाऱ्याची नियमित स्वच्छता केली जात नाही. त्यामुळे पर्यटन खात्याने या गंभीर प्रकरणात लक्ष घालून सर्व बेकायदेशीर व्यवसाय करणाऱ्यांवर तातडीने कठोर कारवाई करावी, अशी मागणी केली जात आहे.