Mandrem Bad Road Conditions: मांद्रेत रस्त्यांची दुरावस्था; सरकारचे दुर्लक्ष

मांद्रे मतदार संघातील रस्त्यांवर मोठा-मोठाले खड्डे पडल्याने वाहतुकीसाठी अडथळा निर्माण झालाय. मुख्यमंत्री डॉ. प्रमोद सावंत आणि राज्य सरकारच्या सार्वजनिक बांधकाम मंत्रालयाच्या अंतर्गत येणाऱ्या रास्ता विभागाने या समस्येकडे पूर्णपणे दुर्लक्ष केलंय की काय असा प्रश्न निर्माण झालाय. रस्त्याचे बांधकाम करण्यात जे कंत्राटदार कामचुकारपणा करतायत त्यांच्यावर कारवाई करण्यात येईल असे मुख्यमंत्री म्हणाले होते मात्र सरकारकडून अद्याप अपेक्षित कारवाई करण्यात आलेली नाही. या संदर्भात मांद्रे मतदारसंघाचे आमदार जीत आरोलकर यांना सर्व परिस्थितीची सूचना दिल्यानंतर त्यांनी खड्डे पडलेल्या रस्त्यावर त्वरित हॉटमिक्सिंग करण्यात येईल तसेच पाऊस गेल्यानंतर संपूर्ण रस्त्याचे हॉटमिक्सिंग केले जाईल अशी माहिती पुरवली.