Leopard in Bicholim: दिवचले लोकवस्तीत वाडला बिबट्याचा वापर; थळावे भयभीत Watch Video

डिचोली: शहराजवळील कृष्णानगर-गोविंदनगर परिसरात बिबट्याने दहशत माजवली आहे. गेल्या तीन-चार दिवसांपासून कुत्र्यांना फस्त करण्याचे सत्र त्‍याने आरंभले आहे. त्‍यामुळे लोक भयभीत बनले आहेत. दरम्यान, बिबट्याला पकडण्यासाठी वन खात्याने आज शनिवारी पिंजरा लावला आहे. कृष्णानगर-गोविंदनगर भागात रात्रीच्यावेळी लोकवस्तीजवळ फिरताना अनेकांना या बिबट्याचे दर्शन झाले आहे. दोन दिवसांपूर्वी कृष्णानगर येथे राहणारे मुखिया यांच्या पाळीव कुत्र्यावर बिबट्याने हल्ला करून त्याला फस्त केले. बिबट्याच्या दहशतीमुळे सध्या लोक भीतीच्या सावटाखाली वावरत आहेत, अशी माहिती गुरुदास गावडे या स्थानिकाने दिली.