Kolkata Doctor Case: कोलकाता घटनेच्या निषेधार्थ विविध विद्यार्थी संघटनांचे लोहिया मैदानावर आंदोलन

कोलकाता येथील महिला डॉक्टरवरील लैंगिक अत्याचार आणि हत्या प्रकरणाने अवघा देश ढवळून निघाला आहे. देशभरात सध्या विरोध प्रदर्शन सुरु आहे. गोव्यातही निवासी डॉक्टर संघटना आणि प्रशिक्षणार्थ विद्यार्थ्यांनी या घटनेच्या निषेधार्थ आपला आवाज बुलंद केला आहे. आज (22 ऑगस्ट) या घटनेच्या निषेधार्थ विद्यार्थी संघटनांनी राज्यातील क्रांती मैदान अर्थात लोहिया मैदानावर आंदोलन केले. यावेळी त्यांनी कोलकाता येथील पीडितेच्या न्यायासाठी आवाज उठवला. त्याचबरोबर राज्यात निवासी डॉक्टरांच्या सुरक्षेसाठी सरकारने तातडीने पावले उचलावीत अशी मागणी त्यांच्याकडून यावेळी करण्यात आली.