Ketan Kudtarkar on Digambar Kamat: कुरतरकरांची 'दिगंबरांवर टीका' 'विजयची स्तुती'!

मडगाव मंडळाचे भाजप सरचिटणीस आणि माजी नगरसेवक केतन कुरतरकर यांनी भाजपच्या सदस्यत्वाचा काल (3 जुलै) राजीनामा दिला. तसेच आमदार दिगंबर कामत यांच्यावर मडगावकरांबद्दलच्या असंवेदनशीलतेचा ठपका ठेवला होता. भाजप सरकार गोव्यापेक्षा परप्रांतियांना प्राधान्य दिल्याचा आरोप देखील केला होता. आज (4 जुलै) केतन कुरतरकरांनी फातोर्डा मतदारसंघाचे आमदार विजय सरदेसाई यांची स्तुती केली आहे.

सरदेसाईंनी आज मडगावात घेतलेल्या जनता दरबारच्या माध्यमातून लोकांच्या समस्या जाणून घेतल्या. दक्षिण गोव्यातील वेगवेगळ्या भागांतून 200 हून अधिक लोकांनी या जनता दरबारला उपस्थिती लावली. सरदेसाईंच्या कामाचं मी नेहमीच कौतुक करत आलोय आणि आजही त्यांच्या कामाचे कौतुक करतोय.