Kala Academy Chairperson: कला अकादमीच्या अध्यक्षपदी मुख्यमंत्री डॉ. प्रमोद सावंत, गावडेंना आणखी एक दणका

राज्यात गेल्या काही दिवसांपासून पुन्हा एकदा राज्यातील राजकीय घडामोडींना वेग आला आहे. मागील काही दिवसांपासून मंत्रिमंडळ विस्तार रखडला असताना गोंविद गावडे यांना मंत्रिमंडळातून डच्चू देण्यात आला. त्यामुळे गावडे भाजपला रामराम ठोकणार अशी चर्चा सुरु होती. मात्र माशेल येथे सभा घेत गावडे यांनी आपण भाजपमध्ये राहणार असल्याचा निर्धार व्यक्त केला. मात्र आज म्हणजेच शुक्रवारी (27 जून) सावंत सरकारने गावडेंना आणखी मोठा दणका दिला. कला अकादमीच्या जबाबदारीतूनही गावडेंना मुक्त करण्यात आले. कला अकादमीच्या अध्यक्षपदाची जबाबदारी आता मुख्यमंत्री डॉ. प्रमोद सावंत यांनी स्वत: हाती घेतली. हा निर्णय तात्काळ प्रभावाने लागू करण्यात आला.