Israel Attacks Iran: चवताळलेल्या इस्त्रायलचं 25 दिवसांनी प्रत्युत्तर; इराणवर केला पहिल्यांदाच थेट हल्ला

इस्त्रायल आणि हमास यांच्यात सुरु असलेलं युद्ध थांबायचं नाव घेत नसताना इस्त्रायल आणि इराण यांच्यातील संघर्षानं नवा वणवा पेटलाय. इराणने केलेल्या हल्ल्याला इस्त्रायलने आज (26 ऑक्टोबर) चोख प्रत्युत्तर दिले. इस्त्रायलने त्यांच्या रणनितीप्रमाणे पुन्हा एकदा धक्कातंत्र दिलं. इस्त्रायलने इराणवर भीषण हल्ला केला. तेहरान आणि कराजच्या चार शहरात 10 पेक्षा जास्त ठिकाणी बॉम्ब वर्षाव झाला. इस्त्रायलच्या या हल्ल्यात इराणचं मोठं नुकसान झालंय. इस्रायलच्या या हल्ल्यानंतर IRGC च्या राशिद स्ट्रीटवर असलेल्या इमारतीत मोठी आग लागली. इस्रायलने पहिल्यांदाच इराणवर थेट हल्ला केलाय. 1 ऑक्टोबरला इराणने इस्रायलवर बॅलेस्टिक मिसाइलद्वारे हल्ला केला होता. IDF ने बरोबर 25 दिवसांनी या हल्ल्याला प्रत्युत्तर दिलं.