Hindu Protest: बांगलादेशातील हिंदू धर्मीयांवरील अत्याचाराच्या विरोधात गोव्यात भव्य निषेध यात्रा

बांगलादेशात सध्या अस्थिर परिस्थिती आहे. शेख हसीना यांनी देश सोडल्यापासून अराजकता माजली आहे. गेल्या काही दिवसांपासून बांगलादेशात सुरु असलेल्या हिंसाचारात तेथील अल्पसंख्याकांना लक्ष्य बनवले जात आहे. त्यातही खासकरुन हिंदू धर्मीय लोकांवर हल्ले केले जातायेत. या हल्ल्यांच्या निषेधार्थ भारतात रॅली निषेध यात्रा काढण्यात आल्या. गोव्यातही अशा निषेध यात्रेचे आयोजन करण्यात आले. बांगलादेशातील हिंदूवरील हल्ले तेथील अंतरिम सरकारने तात्काळ थांबवावेत अशी मागणी यावेळी करण्यात आली.