St. Xavier DNA controversy: आंदोलकांवरचे गुन्हे मागे घ्या! 'वेलिंगकर' प्रकरणावरुन कुतिन्हो यांचा सरकारवर घणाघात

Pratima Coutinho About Goa BJP Government Action Against Protest of Subhash Velingkar’s Controversial Remarks St Francis Xavier DNA Test

एका बाजूने द्वेषमूलक भाषण करणाऱ्या सुभाष वेलिंगकर यांच्यावर एफआयआर दाखल करण्यास विलक्षण दिरंगाई करणारे गोवा सरकार वेलिंगकर यांना अटक करा अशी मागणी करण्यास आलेल्या आंदोलकांवर मात्र लगेच गुन्हा नोंद करते, असा प्रतिमा कुतिन्हो यांनी आरोप करताना सरकार गोव्यासाठी आंदोलन करणाऱ्या सामान्य लोकांना त्रास देत आहे, असे म्हटले.

पोलिसांनी ५०० जणांवर गुन्हे दाखल केले आहेत ते त्वरित मागे घेण्यात यावेत अशी मागणी करण्यासाठी कुतिन्हो आणि अन्य आंदोलक मडगाव पालिकेसमोर आज जमले होते. त्यावेळी त्यांनी हा आरोप केला.

सुभाष वेलिंगकर यांच्यावर गुन्हा दाखल करण्यात पोलिस अपयशी ठरले. त्यामुळेच आम्हाला रस्त्यावर यावे लागले. या आंदोलनात काही भाजप समर्थकांनीही भाग घेतला होता, त्यांच्यावर पोलिसांनी गुन्हे का दाखल केले नाहीत, असा सवालही त्यांनी केला.