Murder Case: घोगळ खून प्रकरण; फरार अल्ताफ अटकेत

घोगळ येथील सूत्री गुलिस्तान मशिदीचे उपाध्यक्ष अलो कलंदर खानजादे यांच्या खूनप्रकरणातील फरार संशयित अल्ताफ सय्यद अल्ताफ शाह सय्यद याला बंगळुरू विमानतळावर अटक करण्यात आली. दुबईहून भारतात परतताच पोलिसांनी त्याला जेरबंद केले. या प्रकरणातील अटक झालेला तो नववा संशयित आहे.

फातोडा पोलिस ठाण्याचे पोलिस निरीक्षक दितेंद्र नाईक यांनी दिलेल्या माहितीनुसार, संशयिताला गोव्यात आणण्यासाठी पोलिसांचे एक पथक बंगळुरूकडे रवाना झाले आहे. गेल्या २० जानेवारी रोजी शुक्रवारच्या नमाजानंतर अली कलंदर खानजादे यांच्यावर पोटात चाकूने वार करून त्यांची हत्या करण्यात आली होती. मशिदीच्या समितीवरील ताब्याच्या वादातून हा खून पडल्याचे तपासात समोर आले आहे.