Goa School Academic Calender: गोव्याचे नवीन शैक्षणिक वेळापत्रक जाहीर; 6 जूनपासून वाजणार शाळांची घंटा! VIDEO

गोव्याच्या शिक्षण संचालनालयाने (DOE) 2026-27 या नवीन शैक्षणिक वर्षाचे अधिकृत वेळापत्रक जाहीर केले असून, त्यानुसार राज्यातील शाळांची पहिली घंटा 6 जून 2026 रोजी वाजणार आहे. हे नवीन शैक्षणिक वर्ष 1 मे 2027 पर्यंत सुरु राहणार आहे. संचालनालयाने प्रसिद्ध केलेल्या या कॅलेंडरमध्ये सुट्ट्यांचे नियोजनही स्पष्ट करण्यात आले असून, यंदा गणेश चतुर्थीसाठी 3 ते 9 सप्टेंबर दरम्यान सात दिवसांची सुट्टी देण्यात आली आहे. दिवाळीची दीर्घ सुट्टी 19 ऑक्टोबर रोजी सुरु होऊन 7 नोव्हेंबर 2026 पर्यंत चालेल, तर नाताळची सुट्टी 24 डिसेंबर ते 2 जानेवारी 2027 या कालावधीत असेल. संपूर्ण शैक्षणिक वर्षात 200 कार्यालयीन दिवस पूर्ण करणे शाळांसाठी अनिवार्य असून, 3 मे 2027 पासून विद्यार्थ्यांची उन्हाळी सुट्टी सुरु होईल.