Goa Revolution Day 2025: राज्यात 'गोवा क्रांती दिन' मोठ्या उत्साहात साजरा

18 जून 1946 ही तारीख गोव्याच्या स्वातंत्र्याच्या इतिहासात सुवर्णाक्षरांनी लिहिलेल्या एका अविस्मरणीय दिवसाची आठवण करुन देते. याच दिवशी महान समाजवादी नेते डॉ. राम मनोहर लोहिया यांनी क्रूर पोर्तुगीज सालाझारच्या वसाहतवादी राजवटीविरुद्ध गोमंतकीय जनतेमध्ये संघर्षाची भावना जागृत केली होती. गोव्यात दरवर्षी 18 जून हा दिवस मुक्तिसंग्रामासाठी लढलेल्या स्वातंत्र्यसैनिकांच्या स्मरणार्थ साजरा केला जातो. गोव्यात आज मोठ्या उत्साहात गोवा क्रांती दिन साजरा झाला. मुख्यमंत्री डॉ. प्रमोद सावंत यांनी गोमंतकीयांना गोवा क्रांती दिनाच्या शुभेच्छा दिल्या. तसेच, विविध कार्यक्रमांना हजेरी लावत क्रांती दिनाच्या आठवणींना उजाळा दिला.