Goa Rain: गोव्यात पावसाची शंभरी; तीन महिन्यात राज्यात धुँवाधार

गोव्यात गेल्या तीन महिन्यात (०१ जून ते २६ ऑगस्ट) या काळात जवळपास १०० इंच पावासाची नोंद झाली आहे. ऑगस्ट पूर्ण होण्यासाठी अद्याप चार दिवसांचा अवधी असून, पुढील चार दिवसांसाठी हवामान खात्याने यलो अलर्ट जारी केला आहे. या काळात राज्यात मुसळधार पावसाची शक्यता वर्तविण्यात आली आहे. दरम्यान, गोव्यात मे पासूनच पावसाने सुरुवात केली आहे. मे च्या अखेरीस राज्यात मुसळधार पाऊस झाला होता.