Goa News: "कॅन्सर पासून बचावासाठी पूर्वतपासणी गरजेची" मुख्यमंत्री

कॅन्सर हा एक भयानक आजार असून आज सर्वत्र कॅन्सर फैलावला आहे. माणूस आज नकळत या आजाराकडे ओढला जात असून त्यासाठी स्वतःला कॅन्सर होण्यापर्यंत वाट न पाहता पूर्वउपचार करून घेत आपणास कॅन्सर आहे की नाही याची शहानिशा करणे आज गरजेचे बनले आहे. त्यासाठी राज्य सरकारच्या आरोग्य विभागातर्फे ही मोहीम चालविण्यात येते. त्या संदर्भात प्रत्येक विद्यार्थ्याने व समाजातील जबाबदार नागरिकांनी जागृती करणे आवश्यक आहे, असे प्रतिपादन मुख्यमंत्री डॉ. प्रमोद सावंत यांनी साखळी येथे केले पद्मिनी फाउंडेशनतर्फे आयोजित मातोश्री पद्मिनी दिवस या कार्यक्रमात मुख्यमंत्री डॉ. प्रमोद सावंत बोलत होते. यावेळी कॅन्सरतज्ञ डॉ. शेखर साळकर यांच्यातर्फे विद्यार्थ्यांना व उपस्थितांना कॅन्सर रोगाविषयी सर्व पैलूंची माहिती देण्यात आली.