Goa Monsoon: सत्तरीत संततधार; कुंपणे-विहीर कोसळली

गेल्या काही दिवसांपासून गोव्यात पावसाची संततधार सुरु आहे. पावसामुळे राज्यातील दोन्ही जिल्ह्यात पडझडीच्या घटना सुरु आहेत. शनिवारी सत्तरीतील विहिरीचा काही भाग कोसळल्याची घटना उघडकीस आली तर काही ठिकाणी रस्त्या लगतचा मातीचा भाग खाली कोसळला.

तर, बांधकाम खात्याच्या हलगर्जीपणामुळे सत्तरीतील नानोडा-बांबर येथील शेतकरी विष्णु जोशी यांनी बांधलेली संरक्षक भिंत कोसळली. उन्हाळ्यात या भिंतीलगतच गटाराचे बांधकाम करण्यात आले होते. पीडित शेतकऱ्याने खात्याकडे नुकसान भरपाईची मागणी केली आहे.