Lavoo Mamledar Death: "बेळगावात अशी गुंडगिरी चालत असेल तर...." लवू मामलेदार यांच्या मृत्यूवर रवींचे महत्वाचे विधान

फोंडा: फोंडा, गोवाचे माजी आमदार लवू मामलेदार यांच्या निधनामुळे गोव्यात सध्या शोककळा पसरली आहे. शनिवारी (दि. १५ फेब्रुवारी) रोजी बेळगाव येथे एका रिक्षा चालकासोबत झालेल्या वादावादीनंतर लवू मामलेदार यांना अचानक हृदयविकाराचा झटका आला आणि ते जमिनीवर कोसळले. गोव्यातील माजी आमदारांना इथेच मरण आले.

रविवारी गोव्यात माजी आमदारांवर अंत्यसंस्कार करण्यात आलेत,आणि यावेळी बोलताना फोंड्याचे आमदार आणि मंत्री रवी नाईक यांनी मामलेदार यांच्या आकस्मित निधनावर खंत व्यक्त केली. ते म्हणाले की, माजी आमदारांची मुलं बेळगाव येथे शिकत असल्याने त्यांची सतत तिथे ये-जा असायची. कर्नाटक सरकारने यावर ठोस कारवाई केलीच पाहिजे कारण मयत व्यक्ती ही गोव्यातील माजी आमदार आहेत. मामलेदार यांना माहिती देखील नव्हतं कि त्यांच्याकडून एका रिक्षेला धडक बसलेली आहे, हे काही त्यांनी जाणून बुजून केलेलं नाही.

गोव्यातील अनेक लोकांची बेळगावमध्ये ये-जा सुरु असते आणि अशी गुंडगिरी सुरु राहिली तर गोव्यातील लोकांसाठी बेळगावमध्ये जाणं कठीण होईल आणि म्हणूनच यावर कर्नाटक सरकारने कारवाई करणं महत्वाचं आहे. शेवटी माजी आमदार लवू मामलेदार यांच्या आत्म्याला शांती मिळो अशी प्रार्थना त्यांनी केली आहे.