Goa Drug Case: ड्रग्ज तस्करीचा पर्दाफाश! आसगावातून 7.17 कोटींची मालमत्ता जप्त

पणजी: अमली पदार्थांच्या तस्करीतून मिळालेल्या पैशांचा वापर करून मालमत्ता उभी केल्याच्या आरोपाखाली ‘पीएमएलए’ कायद्यांतर्गत अंमलबजावणी संचालनालयाने (ईडी) सुमारे ७.१७ कोटी रुपये मूल्याची स्थावर मालमत्ता आसगाव येथून तात्पुरती जप्त केली आहे. अमली पदार्थ नियंत्रण ब्युरो (एनसीबी) यांनी नोंदविलेल्या तक्रारीच्या आधारे ‘ईडी’च्या पणजी विभागीय कार्यालयाने हा तपास सुरू केला होता. या प्रकरणातील मुख्य आरोपी प्रसाद वाळके याच्यासह उगोचुकवू सोलोमन उबाबुको आणि इन्फिनिटी जॉन ऊर्फ डेव्हिड ऊर्फ व्हॅलेंटाईन एझेझी यांच्याविरुद्ध एनडीपीएस कायद्यांतर्गत गुन्हे दाखल केले आहेत.