"बिल्डिंगेंत कितें चणे खावपाक आयिल्ले?" भाजप प्रदेशाध्यक्षांचा ‘आप’ला इशारा; BJYMच्या मागणीला समर्थन

रामा काणकोणकर हल्ल्या प्रकरणी विरोधी पक्षांनी सरकारला घेरण्याचा प्रयत्न करत आंदोलन सुरु केलं. या आंदोलनावेळी काही विरोधकांनी भारतीय जनता पार्टी युवा मोर्चाच्या कार्यालयात धडक दिली होती, त्यानंतर भारतीय जनता पार्टी युवा मोर्चाचे अध्यक्ष तुषार केळकर यांनी आम आदमी पार्टीचे आमदार वेन्झी व्हिएगस यांनी तीन दिवसांत माफी मागावी अशी मागणी केली होती. या निर्णयाला प्रदेशाध्यक्ष दामू नाईक यांनी देखील समर्थन दर्शविले, भाजपच्या कार्यालयात काय चणे खायला गेला होतात का? असा प्रश्न त्यांनी उपस्थित केलाय. आंदोलनाच्या नावाखाली कुणाच्या कार्यालयात घुसणं हे बरोबर नाही. हे असलं घाणेरडं राजकारण आम्ही करत नाही असं देखील दामू नाईक म्हणाले आहेत.