मडगावच्या नवीन बाजारात अतिक्रमण कायम; मुख्याधिकाऱ्यांच्या आदेशानंतरही कारवाई शून्य

मडगावच्या नवीन बाजारपेठेतील व्यापाऱ्यांनी काही दिवसांपूर्वी अतिक्रमण हटवण्याची मागणी करत मुख्याधिकाऱ्यांकडे निवेदन दिले होते. मुख्याधिकाऱ्यांनी बाजार निरीक्षकांना कारवाईचे आदेश देऊनही आठवडाभरात कोणतीही कृती झालेली नाही. यावर मुख्याधिकारी मधू नार्वेकर यांनी 'बाजार निरीक्षक नियमितपणे अतिक्रमण हटवतात' असे सांगितले. मात्र, व्यापारी आणि माजी नगरसेवक राजेंद्र अजगावकर यांनी पालिका या समस्येकडे गंभीरपणे पाहत नसल्याने बाजारात अतिक्रमण वाढत असल्याचा थेट आरोप केला आहे.