Elderly Woman Assaulted: थिवीत वृद्धेवर लैंगिक अत्याचाराप्रकरणी संशयितास 4 दिवसांची पोलिस कोठडी

थिवी: माडेल, थिवी येथे एका ५० वर्षीय व्यक्तीने एकट्या राहणाऱ्या ८० वर्षीय वृद्ध महिलेवर बलात्कार केल्याची धक्कादायक घटना समोर आली आहे. आरोपी दुसऱ्यांदा लैंगिक अत्याचार करण्याचा प्रयत्न करत असतानाच, महिलेचे कुटुंबिय घटनास्थळी पोहोचल्याने हा हल्ला थांबला. पोलिसांनी या प्रकरणी आरोपीला अटक केली असून त्याला 4 दिवसांची पोलिस कोठडी सुणावण्यात आलीय. परदेशातील नोकरी सोडून हा आरोपी अनेक वर्षांपासून गोव्यात राहत होता, अशी माहिती पोलिसांनी दिली.

पोलिसांनी दिलेल्या माहितीनुसार, पीडित वृद्ध महिला (८०) आपली दोन्ही मुलींची लग्न झाल्यानंतर एका छोट्या घरात एकटीच राहत होती. तिची एक मुलगी रोज तिला जेवण आणि इतर आवश्यक वस्तू आणून तिची काळजी घेत असे. शुक्रवारी (दि.१९) दुपारचे जेवण घेऊन पीडित महिलेची नात घरी आली असता, वृद्धेने तिला आपल्यासोबत घडलेला भयानक प्रसंग सांगितला.