Drug Raid at Mandrem: मांद्रे येथे छाप्यात अमली पदार्थाच्या तस्करीप्रकरणी एकाला अटक

राज्यात गेल्या काही दिवसांपासून गोवा पोलिसांची अमली पदार्थविरोधात धडक मोहीम सुरु आहे. दोन दिवसांपूर्वी, म्हापशात अमली पदार्थ विक्री प्रकरणी युगांडाच्या दोघांच्या मुसक्या आवळण्यात पोलिसांना यश आले होते. म्हापसा पोलिसांनी नवे केटीसी बसस्थानक येथे ही कारवाई केली होती. यातच आज (18 ऑगस्ट) अमली पदार्थ बाळगल्याप्रकरणी सय्यद आसिफ जिब्रान, वय वर्ष 36 याला मांद्रे पोलिसांकडून अटक करण्यात आली. तो गोव्यात टेमवाडो, हणजूणे येथे राहत होता. तो मूळचा तेलंगणा राज्यातील आहे. यावेळी त्याच्याकडून 1,05,000 किमतीचे 4.64 ग्रॅम अमली पदार्थ व इतर साहित्य जप्त करण्यात आले.