Dr Pramod Sawant: शिक्षक घरातला राग मुलांवर काढतात की काय?; मुख्यमंत्र्यांचा सवाल

राज्यात हल्लीच विद्यार्थ्यांना मारहाण करण्याच्या दोन-तीन घटना घडल्या आहेत. शिक्षक विद्यार्थ्यांसोबत असे कसे काय वागू शकतात? याचेच मला आश्‍चर्य वाटते. शिक्षक आपल्या घरी घडलेल्या घटनांचा राग त्या मुलांवर काढतात की काय ? असे मला वाटू लागले आहे, परंतु असले प्रकार खपवून घेणार नसून काल कामुर्ली येथील घडलेल्या प्रकारावर हलगर्जीपणा केला जाणार नाही. त्या शिक्षिकेचे शिक्षण खात्याद्वारे निलंबनासहितच पोलिसांकरवी योग्य ती कारवाई करण्यात येईल,अशी ग्वाही मुख्यमंत्री डॉ. प्रमोद सावंत यांनी माध्यमांशी बोलताना दिली.