Digambar Kamat on Vijai Sardesai: विजय कधीच मुख्यमंत्री होणार नाही, कामतांचा वार

काहीजण मुख्यमंत्री होण्याचं स्वप्न पाहू लागले आहेत. मात्र त्यांची स्थिती 'मुंगेरीलाल के हसीन सपने' सारखी आहे, असे म्हणत राज्याचे माजी मुख्यमंत्री आणि भाजपचे ज्येष्ठ नेते दिगंबर कामत यांनी गोवा फॉरवर्ड पक्षाचे सर्वेसर्वा आणि आमदार विजय सरदेसाई यांच्यावर हल्लाबोल केला. मडगाव येथे मंगळवारी भाजपतर्फे आयोजित करण्‍यात आलेल्‍या मतदार अभिवादन कार्यक्रमात कामत बोलत होते. 2027 मध्ये आपले लक्ष्य मुख्यमंत्री पदावर असल्याचे सरदेसाई यांनी म्हटले होते. या वक्तव्याचा समाचार घेत कामत यांनी सरदेसाई यांच्यावर हल्ला चढवला. 2027 मध्ये पुन्हा एकदा डॉ. प्रमोद सावंत मुख्यमंत्री होतील असा विश्वास देखील यावेळी कामतांनी व्यक्त केला.