Dharbandora Hill Cutting: धारबांदोड्यात नेमकं काय चाललंय? तालुका प्रशासन संशयाच्या घेऱ्यात

धारबांदोडा पंचायत क्षेत्रातील बेतुल- प्रतापनगर भागात मोठ्या प्रमाणात डोंगरकापणी करून घरे बांधण्याचे सत्र सुरू आहे. अनेक ठिकाणी अशा प्रकारच्या घटना उघडकीस आल्या आहेत. गोमन्तकने याबाबत वृत्त प्रसिद्ध केल्यानंतर प्राशासनाला जाग आली आहे.

धुलैयमध्येही बेकायदा डोंगरकापणीचा प्रकार उघडकीस आला आहे. धारबांदोडा तालुक्यात हजारो स्क्वेअर मीटर जमिनीत डोंगर कापणीसह हजारो झाडांची कत्तल झाल्याचा स्थानिकांनीही दावा केला आहे.