DGP Jaspal Singh: कथित गंभीर आरोपांनंतर डीजीपी पहिल्यांदाच बोलले, म्हणाले...

राज्यात गेल्या काही दिवसांपासून आसगाव घर मोडतोड प्रकरण चांगलच गाजत आहे. या प्रकरणात राज्याचे डीजीपी जसपाल सिंग यांची भूमिका संशयास्पद आहे. दरम्यान विरोधकांनी या प्रकरणाचा मुद्दा बनवत राज्य सरकारवर ताशेरे ओढले. प्रकरण तापल्यानंतर तडकाफडकी डीजीपी जसपाल सिंग यांनी दिल्लीची वारी केली. दिल्ली वारीनंतर सिंग यांची लवकरच बडतर्फी होणार असे संकेत होते. मात्र अद्याप त्यांच्या बडतर्फीसंबंधी कोणत्याही प्रकारची अपडेट नाही. मात्र आता खुद्द डीजीपी जसपाल सिंग यांनी आपली भूमिका मांडली आहे.

सिंग म्हणाले की, केंद्र सरकारकडून तीन फौजदारी कायदे लागू करण्यात आले. या तिन्ही कायद्यांच्या अमलंबजावणीसंबंधी चर्चा करण्यात आली. तसेच, येत्या 15 जुलैपासून पावसाळी अधिवेशन सुरु होणार आहे. यासंबंधीच्या सुरक्षेसंबंधी चर्चा करण्यात आली. याशिवाय, राज्यातील क्राइम रेट कमी करण्यासाठी आणखी काय उपाययोजना करण्यात येतील यासंबंधी देखील चर्चा करण्यात आली. त्याचबरोबर कोस्टल सुरक्षेसंबंधी आम्ही पायाभूत सुविधा अधिक भक्कम करण्यासाठी प्रयत्नरत आहोत.