Colva Fire News: कोलवा दाताच्या क्लिनिकाक उजो, Video

मडगाव: कोलवा येथे एका दंत दवाखान्याला आग लागून अंदाजे तीन लाखांची मालमत्ता जळून खाक झाली. शनिवारी सकाळी ९ च्या दरम्यान ही दुर्घटना घडली. आगीचे नेमके कारण स्पष्ट होऊ शकले नाही. शॉर्ट सर्किटमुळे ही आग लागली असावी असा प्राथमिक अंदाज मडगाव अग्निशमन दलाचे अधिकारी गिल सोझा यांनी व्यक्त केला आहे.

आगीची माहिती मिळाल्यानंतर दलाच्या जवानांनी घटनास्थळी जाऊन आग विझविली. दवाखान्याच्या स्वागत कक्षामध्ये ही आग लागली. यात संगणक, पंखे, खिडकीची तावदाने व कपाट जळाले. पहिल्या मजल्यावर हा दवाखाना आहे. आगीचा धूर दुसऱ्या मजल्यावरील फ्लॅटमध्येही पसरला होता. हा फ्लॅट बंद होता. तेथे कुणी राहत नसल्याची माहिती मडगाव अग्निशमन दलाच्या कार्यालयातून देण्यात आली.