Delhi CM Arvind Kejriwal: अरविंद केजरीवाल देणार मुख्यमंत्रीपदाचा राजीनामा!

दिल्लीचे मुख्यमंत्री अरविंद केजरीवाल यांनी आपल्या पदाचा राजीनामा देण्याची घोषणा केली. कथित मद्य घोटाळ्यात अनेक महिने तुरुंगात राहिल्यानंतर सर्वोच्च न्यायालयातून जामीन मिळालेल्या केजरीवाल यांनी आज (15 सप्टेंबर) सर्वांनाच आश्चर्याचा धक्का दिला. आपल्या पदावर कायम राहण्यावर ठाम असलेले केजरीवाल यांनी रविवारी कार्यकर्त्यांना संबोधित करताना सांगितले की, दोन दिवसांनी मी मुख्यमंत्रिपदाचा राजीनामा देणार आहे. अशा स्थितीत केजरीवाल यांनी अचानक राजीनामा देण्याचा निर्णय का घेतला आणि दिल्लीत विधानसभा निवडणुक लवकर होऊ शकेल, हा मोठा प्रश्न उपस्थित होत आहे.