Cutbona Jetty Inspection: कुटबण-मोबोर जेट्टीची पाहणी; 3 दिवसांत बोटी साफ करण्याचे आदेश

कॉलरा व डेंग्यूच्या आजाराने कुटबण व मोबोर जेटीवरील मजुरांचे आरोग्य बिघडले आहे. काहीजण मृत्युमुखी पडले आहेत. तेथील परिस्थिती हालाकीची असल्याचे दिसून आल्याने गेल्या चार वर्षांतील ज्या वापरात नसलेल्या बोटी जेटीवर ठेवलेल्या आहेत त्या तीन दिवसांत साफ करण्याचा व हटवण्याचा आदेश उपजिल्हाधिकारी गणेश बर्वे यांनी दिला आहे. प्राथमिक आरोग्य खात्याच्या अधिकारी डॉ. बेनोदीत डायस यांनी सांगितले की, आमचे शर्थीचे प्रयत्न सुरु आहेत. इथे डेंग्यूचे 9 रुग्ण आहेत, मलेरियाचा एकही नाही. आम्ही दोन हजार मजुरांची तपासणी केली आहे. अशाप्रकारचे आजार न होण्यासाठी स्वच्छता हा परिणामकारक उपाय आहे.