Curti Dog Attack: अंत्रुजनगर-कुर्टी येथे कुत्र्याच्या हल्ल्यात 11 वर्षीय विद्यार्थिनी जखमी

अंत्रुजनगर-कुर्टी येथील वसाहतीमध्ये एका भटक्या कुत्र्याच्या हल्ल्यात ११ वर्षीय विद्यार्थिनी जखमी झाली आहे. सोमवारी (दि.११) ही घटना घडली असून, जखमी मुलीला उपचारासाठी रुग्णालयात दाखल करण्यात आले आहे. गेल्या काही महिन्यांपासून या वसाहतीत कुत्रे चावण्याचे प्रकार वाढले असून, या घटनेमुळे स्थानिक नागरिकांनी संताप व्यक्त केला आहे. यापूर्वीच येथील रहिवाशांनी उपजिल्हाधिकारी शुभम नाईक यांना निवेदन सादर करून भटक्या कुत्र्यांचा प्रश्न सोडवण्याची मागणी केली होती, तरीही यावर ठोस उपाययोजना न झाल्याने ही घटना घडल्याचे नागरिकांचे म्हणणे आहे.