Colva PI Transferred: कोलवा पीआयची बदली Video

कोलवा पोलिस स्थानकाचे निरीक्षक विक्रम नाईक हे बिल्डरांची पाठराखण करत स्थानिकांना सतावतात. तीन महिन्यांपूर्वी बदली झाल्याचा आदेश जारी होऊनही ते अजून कोलव्यातच कसे, असा सवाल करत कोलवा येथील नागरिकांनी पोलिस स्थानकाला वेढा घातला.

तथापि, उद्यापर्यंत नाईक यांची बदली केली जाईल असे आश्वासन दक्षिण गोव्याचे पोलिस अधीक्षक संतोष देसाई यांनी दिल्यावर लोकांनी आंदोलन मागे घेतले. सायंकाळी निरीक्षक नाईक यांना कोलवा पोलिस स्थानकावरून हटवून राखीव पोलिस विभागात बदली केली. दक्षिण गोव्याचे पोलिस अधीक्षक संतोष देसाई यांनी या वृत्ताला दुजोरा दिला.