Video
Curti Nagzar: नागझर-कुर्टी येथे घरावर कोसळला माड
Curti Nagzar Tree Collapse: नागझर-कुर्टी भागात सीताराम नाईक यांच्या घरावर गुरुवारी (ता.२६) दुपारी २ वा.च्या सुमारास अचानक एक माड कोसळला. यामुळे घराचे सुमारे एक लाख रुपयांचे नुकसान झाले आहे.
फोंडा: नागझर-कुर्टी भागात सीताराम नाईक यांच्या घरावर गुरुवारी (ता.२६) दुपारी २ वा.च्या सुमारास अचानक एक माड कोसळला. यामुळे घराचे सुमारे एक लाख रुपयांचे नुकसान झाले आहे. सुदैवाने माड कोसळला त्यावेळेला त्या खोलीत कुणीच नव्हते, त्यामुळे अनर्थ टळला. माड कोसळल्याने अर्धे छप्पर मोडले आहे.
माड कोसळल्यानंतर स्थानिक पंचसदस्य बाबू च्यारी व जिल्हा पंचायत सदस्य प्रिया च्यारी यांनी घटनास्थळी धाव घेऊन पाहणी केली व वीज खाते तसेच फोंडा अग्निशामक दलाला कळवल्यानंतर अग्निशामक दलाच्या जवानांनी त्वरित धाव घेऊन घरावर पडलेला माड हटवला. तर वीज खात्याच्या कर्मचाऱ्यांनी खंडित झालेला वीजपुरवठा सुरळीत केला.
दरम्यान, जिल्हा पंचायत सदस्य प्रिया च्यारी व पंचसदस्य बाबू च्यारी यांनी कुर्टी भागातील धोकादायक झाडे त्वरित हटवण्यासाठी आपत्कालीन विभागाने प्रयत्न करावेत, अशी मागणी केली. लोकवस्तीच्या ठिकाणी असलेल्या धोकादायक झाडांमुळे धोका निर्माण झाला असल्याचे यावेळी स्थानिकांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.