CM Pramod Sawant: पोल्ट्री उद्योगातून 'स्वयंपूर्ण गोवा' करण्यासाठी सरकार करणार मदत

राज्यातील पोल्ट्री उद्योगाला उभारी देण्यासाठी आवश्यक ते सहकार्य करण्यात येईल, असे मुख्यमंत्री डॉ. प्रमोद सावंत यांनी म्हटले आहे. पोल्ट्री उद्योग मोठ्या जोमाने सुरु होऊन जास्तीत जास्त गोमंतकीय युवकांनी या उद्योग-व्यवसायात यावेत यासाठी राज्य सरकारकडून आवश्‍यक ते सर्व सहकार्य दिले जाईल, अशी ग्वाही मुख्यमंत्र्यांनी दिली. फोंड्यातील ॲग्री बाजार प्रकल्पात शनिवारी गोवा पोल्ट्री फार्मर्स अँड ट्रेडर्स असोसिएशनतर्फे आयोजित या व्यवसायासंबंधीच्या मार्गदर्शन कार्यक्रमात ते बोलत होते.