CM Pramod Sawant: नोकरीसाठी पहिली संधी अनाथ मुलांना, मुख्यमंत्री डॉ. प्रमोद सावंत यांची मोठी घोषणा

गोवा मंत्रिमंडळाची नुकतीच बैठक पार पडली, ज्यामध्ये मुख्यमंत्री डॉ. प्रमोद सावंत यांच्या नेतृत्वाखालील सरकारने नागरिकांच्या सोयीसाठी आणि राज्यातील उद्योगांना पाठिंबा देण्यासाठी तीन मोठे आणि महत्त्वपूर्ण निर्णय घेतले. मुख्यमंत्री डॉ. प्रमोद सावंत यांनी अनुकंपा तत्त्वावरील नियुक्ती योजनेत मानवतावादी दृष्टिकोनातून बदल करण्याची घोषणा केली. मुख्यमंत्री सावंत म्हणाले, "ज्या मुलांचे पालक निधन पावले आहेत आणि जी मुले अनाथ झाली आहेत, त्यांना अनुकंपा तत्त्वावर नोकरी देताना सर्वात आधी प्राधान्य दिले पाहिजे." अशा अनाथ मुलांना शक्य तितक्या लवकर नुकसान भरपाई आणि नियुक्ती प्रदान करण्यात यावी, यासाठी योजनेत बदल करण्यात आले आहेत.