Canacona Missing Boat: मच्छीमार बोट बेपत्ता, तरीही सरकार सुस्त! संतापलेल्या मच्छीमारांनी रोखला मडगाव-कारवार हायवे VIDEO

तळपण येथून मासेमारीसाठी गेलेली बोट बेपत्ता झाल्याने एकच खळबळ उडाली. तिचा शोध घेण्यासाठी मच्छीमार खाते व सरकारने कोणतीच पावले उचलली नसल्याच्या निषेधार्थ मच्छीमारांनी मडगाव कारवार हमरस्ता दोन तास अडवला. यावेळी गोवा फॉरवर्ड पक्षाचे मोहनदास लोलयेवर, पंकज नमशीकर नगरसेवक रमाकांत नाईक गावकर, शुभम कोमरपंत व अन्य उपस्थित होते. यावेळी दक्षिण गोवा पोलिस उपअधीक्षक नीलेश राणे यांनी घटनास्थळी येऊन आंदोलनकत्यांना समजावण्याचा प्रयत्न केला. काही तासानंतर रस्ता मोकळा करण्यात आला.